فقط كلهن لربعي وياي تذكار
نويت اتركهم وكصيت تذكار
اسافر قررت باول منية
اسافر قررت من غير ماعد
وبعد مابية اعد اجروح ماعد
حجيت ووضحت معناي ماعد
اخاف احجي وتفز اجروح بية
اخاف احجي وتفز جروح جسرة
وجس نبضي برهاوة جرح جسرة
جسر سويت للمهدوم جسرة
علة اجتافي وزرع عبوات بية
علة اجتافي وزرع عبوات ثارن
وصدك لا ماعرفت اختار ثارن
لرد من اليخون الزاد ثارن
ثار اجتافي والكلنا سوية
ثار اجتافي والكلنا يردان
حرب واليكعد بروحي يادان
اصيح بصوت وجروحي يردان
لحد ماوكعت عيوني بدية
لحد ماوكعت عيوني بجتلة
ودية جم سهم منة بجتلة
لون رب العرش يرضة بجتلة
اسويها وكتلة بابوذية
اسويها وكتلة بالسرانة
ودهن ماخلة حالي بالسرانة
بعدهن جاياتة بالسرانة
حكتهن بيت بيت بذني ادية
احمد الرسام
