رخوه الكاع
وأنت بلاجرف كل ساع إلك مجره
طبعك ماي سيح
وماإلك عنوان
شماأحطلك جرف تتعمد تعبره....
طويل الليل...
أطول من ضوه النجمات..
من غاب الكمر
عجزن وأخذهن غيض
جي ماشتلن الكمره
ينحط الذهب وي الشبه باللون
بس بالبيع
تفرق كلمن بسعره................
وإذا يحلى الورد بعيون اليشمون
حد الورد سنداناته
بس حد النخل جذره....
يل طبعك ورد
ياهو اليجي يشم بيك
وأنه طبعي نخل
مو ياهو جان يفوت..
أطيح بسجته تمره...
بسّك توكف ويّ الصخر
طول بطول...
طبعك طين
والدنيه حلك شلال..
من تفيض
يتفتت الطين وتوكف الصخره
يل غرتك روحك
علي لاتغتر...
ولاتضحك على جروفك بمدك
من يجيك الزود
هم يضحك عليك الجرف من تجزر
جلمه إنت بحياتي
وانمحيت بساع
وإذا جلمه أنمحت ماينمحي الدفتر
يالمغرور.........
لاتعزف فرح محد يكلك عيد
تعزف وحدّك وإنت بثنية كبور
بيوت من الوهم تلكه الف بيت وبيت
بناهه العنكبوت
أبين ومضة سيفك..واخر نزف جرحي
دبس مني..
دبطل سوالفك يبن الامير وكوم
موخلّص صبره((لعيبة الصبري))
دبسك كوم
أنسه الحور..وأنسه طيور
تعبر ألك سبع بحور
خذوا لبك وراحوا
وبوهم خلوك بس كشور.....
تعزف وحدّك والدنيه كلهه كبور
يالمغرور.......
مالازم عمر يكضي عله شفرة سيف
خلينه غرب كل واحد بديره
اكفر بالورد....لو نرجسي ومغرور
وأسجد للخضار بوجه صبيّره....
وخليك انت غيره بكصتي
بس لاتهزك ريح
لان كثر السموم ينشف الغيره
كثر السموم
ينشف
